TRACE ტექნოლოგია

TRACE - პრინციპი შემუშავებულ იქნა ფრანგი ქიმიკოსის Jean-Marie Lehn - ის მიერ, რისთვისაც მეცნიერი 1987 წელს ნობელის პრემიით დაჯილდოვდა.

პრინციპი  საშუალებას იძლევა გადაიჭრას ფლუოროფორებზე დაფუძნებული ექსპერიმენტების შედეგად  მიღებული პასუხების უზუსტობის პრობლემა, რომელიც ხშირად წარმოიშობა  ნიმუშის შემადგენლობაში არსებული მოლეკულების არასპეციფიკური სიგნალების ფონზე. პრობლემა ხშირად გადაწყვეტილია წარმოქმნილი ანტიგენ/სნტისხეული+ფლუოროფორის კომპლექსების გარეცხვის  ან სეპარაციის ეტაპებით, რაც საშუალებას იძლევა ელიმინირდეს ფონური ხმაური. გასუფთავების დამატებითი ეტაპების არსებობა  ართულებს  ანალიზის პროცესს, ზრდის როგორც შეცდომების დაშვების ალბთობას, დახარჯულ დროს და  ტესტის ფასს, ასევე ანალიზის შედეგად მიღებული ნარჩენების მოცულობას.

ენერგიის გადატანა ორ ფლუოროფორს შორის ხდება დონორი მოლეკულა - კრიპტატიდან (ხანგრძლივად-მოქმედი ფლუორესცენცია) აქცეპტორ ფლუოროფორზე (ხანმოკლე ფლუორესცენცია), როცა ისინი ერთმანეთთან ახლოს არიან ლოკალიზებული. ორივე ტიპის ანტისხეულის (კრიპტატით და ფლუოფორით მონიშნული) დაკავშირება ანტიგენთან განაპირობებს მათ შორის ენერგიის ტრანსფერის შედეგად წარმოქმნილი ხანგრძლივი ფლუორესცენტული სიგნალის წარმოქმნას. დაყოვნება (50-150 მიკოწამი) საწყის ფლუორესცენტულ გამოსხივებასა და მის დეტექციას შორის, მინიმუმამდე ამცირებს  არა-სპეციფიკური ხანმოკლე ნათების შედეგად წარმოქმნილ ფონურ ხმაურს.

TRACE პრინციპის უდიდეს უპირატესობას წინამორბედ იმუნოფლუორესცენტულ მეთოდებთან შედარებით წარმოადგენს არასპეციფიკური მოლეკულებიდან და მათი კომპლექსებიდან მიღებული ხანმოკლე ფონური  ფლუორესცენციის ელიმინაცია რეცხვის ეტაპების გარეშე.                                       

აღწერილ TRACE პრინციპზე დაყრდნობით, კრიპტორის სისტემა ასრულებს ბიომარკერების განსაზღვრას მაღალი სპეციფიკურობით დროის უმცირეს მონაკვეთში. ზედმეტად მაღალკონცენტრირებული ნიმუშის შემთხვევაში აპარატი იღებს ინფორმაციას, რომელიც საჭიროა ნიმუშის ავტომატური განზავებისთვის და ანალიზის ხელახალი ინიციაციისთვის.